अबैध डलर सहित एक भारतिय नागरिक त्रिभुवन अन्तराष्ट्रिय बिमानस्थलबाट पक्राउ थप अनुसन्धान जारी

काठमाडौंबाट।

त्रिभुवन अन्तर्राष्ट्रिय विमानस्थलबाट प्रहरीले अवैध डलरसहित एकजना भारतिय नागरिकलाई पक्राउ गरेको छ । पक्राउ पर्नेमा ४३ वर्षका अंकुर घनश्यामभाई पटेल छन् । नेपाल सरकारले ५ हजार डलर बोक्ने अनुमती दिएपनि उनको साथबाट सोभन्दा धेरै डलर बरामद गरिएको त्रिभुवन विमानस्थल सुरक्षा कार्यालयका डिआईजी श्यामलाल ज्ञवालीले बताए ।
काठमाडौंबाट दुबई उड्न लागेका अंकुरको साथबाट प्रहरीले ३ हजार ६ सय अमेरिकी डलर, २ हजार १३० पाउण्ड स्ट्रलिङ्ग, ३ हजार ४ सय युरो, ४ हजार ४६५ युएइ दिराम र ४ हजार ६५० केन्या सिलिङ्गस बरामद गरेको छ । प्रहरीले उनलाई थप अनुसन्धान र कारवाहीका लागी राजस्व अनुसन्धान विभागमा बुझाएको छ ।