NSW News

५ असार २०८१, मंगलवार
ENGLISH

एनसेल बाह्रखरी गल्फमा सञ्जय पौडेलले जिते सुनको बल

एनसेल बाह्रखरी गल्फमा सञ्जय पौडेलले जिते सुनको बल

काठमाडौं । ‘एनसेल बाह्रखरी गल्फ’ छैटौं संस्करणको उपाधि सञ्जय पौडेलले जितेका छन् । उपाधिसँगै उनले सुनको बल पुरस्कार पाएका छन् ।

गोकर्ण गल्फ क्लबमा शनिबार १८ होलमा ‘स्टेबल फोर्ड’ पद्धतिमा खेलाइएको यस प्रतियोगिताका विजेता सञ्जयले ४० अंक जोडेका थिए । १२ ह्याण्डीक्यापमा खेलेका सञ्जयले फ्रान्ट नाइन १९ अंक जोडेका थिए भने ब्याक नाइनमा २१ अंक जोड्न सफल रहे ।

सञ्जय र टासी छिरिङले समान ४० अंक जोडेका थिए । तर, सञ्जयले ब्याक नाइनमा जोडेको २१ अंकले टासी उपाधि होडमा पछि परे । टासीले ब्याक नाइनमा १८ अंकमात्र जोड्न सफल भएका थिए ।

जिरो ह्याण्डीक्यापमा खेल्ने टासी छिरिङ ४० ग्रस अंक जोड्दै बेष्ट ग्रसको उपाधि जिते । टासीले मोष्ट बर्डीको उपाधि पनि जितेका छन् । टासीले ६ बर्डी प्रहार गरेका थिए ।

बाबु शेर्पाले दोस्रो स्थान हासिल गरे । उनले ३८ अंक जोडेका थिए । प्रतियोगितामा डा. भगवान कोइरालाले ३७ अंक जोडेर सिनियर (६० वर्षमाथि) तर्फको उपाधि जिते ।

महिलातर्फको उपाधि तारा कार्की चित्रकारले जितिन् । उनले ३६ अंक जोडेकी थिइन् । कश्मिरा शाहले ३३ अंक जोडेर दोस्रो भइन् ।

क्लोजेष्ट टू द पिनको उपाधि राज प्रधानले जिते । दशौं होलमा राखिएको ‘होल इन वन’ को पुरस्कारमा हुन्डे को ‘भेन्यू’ गाडी जित्न राज दुई इन्चले चुकेका थिए । लङ्गेष्ट ड्राइभको उपाधि दोर्जे होजाङसाङले जिते । उनले ३१० यार्डको ड्राइभ प्रहार गरेका थिए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0