जे.एस मुरारका बहुमुखी क्याम्पस लहानमा शान्तिपूर्ण निर्वाचन सम्पन्न

जे.एस मुरारका बहुमुखी क्याम्पस लहानमा शान्तिपूर्ण निर्वाचन सम्पन्न
विसुनदेव सरदार,
लहान / ५ चैत ।

सिराहाको लहानमा रहेको नमुना कलेजको रुपमा जे.एस मुरारका बहुमुखी क्याम्पसमा आइतबार बिना कोलाहल शान्तिपूर्ण तरिकाले स्वतन्त्र विद्यार्थी युनियन ( स् .व. यु .) चुनाव सम्पन्न भएको छ। सुरक्षा व्यवस्था कडा भएपछि पुरै शान्तिपूर्ण निर्वाचन सम्पन्न भएको छ।

आजको मतदानमा २२४९ जम्मा मतदाता रहेकोमा १३२७ जना विद्यार्थी मतदाताहरुले मतदान गरेका छन ।

प्रतिशतको आधारमा जम्मा ५९.२६% मत खसेको क्याम्पस प्रशासनको तर्फबाट सुजित कुमार चौधरीले जानकारी गराएका छन्।

यो सँगै ( स्व व यु) चुनावमा स्नातक वि.एड/ वि.वि.एस./ वि.एस्सी. र स्नातकोत्तर एम. ए/ एम. एड का छात्र छात्रा विद्यार्थीहरुले मतदान गरेका छन् ।

विभिन्न पार्टीका निकटका भातृ संगठनका कार्यकर्ताहरुले उम्मेदवारी दिइएका छन । समाजवादी विद्यार्थी संयुक्त गठबन्धन संघ/ जनमत पार्टीका विद्यार्थी जनमत संघ / नेकपा को तर्फबाट अनेरास्ववियु / नेपाली काङ्ग्रेस निकटका भातृ संगठन नेपाल विद्यार्थी संघ ( ने.वि.सं.) लगायतका पार्टीले चुनावी मैदानमा उत्रिएका छन्।

यो सँगै नेपाली काङ्ग्रेस निकटका भातृ संगठनका सभापति पदका उम्मेदवार रामकृष्ण यादव र सचिव पदका उम्मेदवार महेश साहका अनुसार हाम्रो नेपाल विद्यार्थी संघ ( नेविसंघ )
को जीत सुनिश्चित रहेको अग्रिम दाबी गरेका छन्।
वहाँहरुका अनुसार मतगणना कार्य भोलि सोमबार बिहान बाट हुने बताउनुभयो ।