NSW News

२ श्रावण २०८१, बुधबार
ENGLISH

नेपाली काँग्रेसले एमसीसी टेवुल गर्ने, कार्यसूचीमा एमसीसी समेट्न कार्यव्यवस्था परामर्श समितिको बैठक बस्दै

नेपाली काँग्रेसले एमसीसी टेवुल गर्ने, कार्यसूचीमा एमसीसी समेट्न कार्यव्यवस्था परामर्श समितिको बैठक बस्दै

काठमाडौं । सभमुख अग्निप्रसाद सापकोटाले बुधबार बिहानका लागि प्रतिनिधिसभा कार्यव्यवस्था परामर्श समितिको बैठक आह्वान गरेका छन् ।
सभामुख सापकोटाको सचिवालयले बताए अनुसार बुधबार साढे ११ बजेका लागि कार्यव्यवस्था परामर्श समितिको बैठक बोलाएका हुन् ।
बैठकमा एमसीसी संसदमा टेबुल गर्नेबारेमा छलफल हुने बताइएको छ । बुधबार १ बजे संसद बैठक बस्दैछ । संसद बैठकअघि बस्ने परामर्श समितिको बैठकलाई महत्वकासाथ हेरिएको छ । सम्भवत उक्त बैठकले संसद बैठकका लागि एमसीसी कार्यसूचीमा समेट्नेबारे निर्णय हुनेछ ।
मंगलबार नेपाली काँग्रेसले बुधबार बस्ने बैठकमा एमसीसी टेवुल गर्ने निर्णय गरेको थियो । काँग्रेसको बैठक सकिए लगत्तै प्रधानमन्त्री समेत रहेका नेपाली काँग्रेसका सभापति शेरबहादुर देउवाले सभामुख सापकोटालाई टेलिफोन गरि कार्यव्यवस्था परामर्श समितिको बैठक बोलाउन र संसदको कार्यसूचीमा एमसीसी समेट्न आग्रह गरेको बताइएको छ ।
मंगलबार संसद सचिवालयले निकालेको सुचनामा भने एमसीसी सम्भावित कार्यसूचीमा समेटिएको थिएन । नेकपा एमालेले यसअघि अबरुद्ध गर्दा संसद चल्न सकिरहेको थिएन । लामो समयपछि आज प्रतिनिधिसभाको बैठक बस्दैछ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0