NSW News

२ बैशाख २०८१, आईतवार
ENGLISH

पत्रकार धमलासहित दुई जना लागुऔषध लिएर सिरहा आउँदै गर्दा पक्राउ

पत्रकार धमलासहित दुई जना लागुऔषध लिएर सिरहा आउँदै गर्दा पक्राउ

सिरहा।
सिरहा प्रहरीले अवैध लागुऔषधसहित दुई जनालाई पक्राउ गरेको छ । पक्राउ पर्नेहरु दुवै जना उदयपुर जिल्लाको रहेको प्रहरीले जनाएको छ । एक जनासँग प्रेस कार्ड फेला परेको छ । उनी पत्रकार नै हो की कार्ड मात्रै बनाएको हो खुल्न सकेको छैन । उनीहरुलाई चेकजाँचको क्रममा सिरहा नगरपालिका– १४ नेमचन चोकबाट पक्राउ गरिएको छ ।

पक्राउ पर्नेमा उदयपुरको कटारी नगरपालिका–२ कल्याणपुर टोलका ३५ वर्षीय सुरेश कुमार धमला र मोटरसाइकलको पछाडी सवार ओखलढुङ्गा फुलवारी गाउँ विकास समिति–९ मा घर भई हाल जिल्ला उदयपुर कटारी नगरपालिका–२ कल्याणपुर टोलकै ३५ वर्षीय इश्वर खत्री रहेको छ । उनीहरु भारतबाट नेपाल तर्फ स. ९ प. ५१० नं. को मोटरसाईकलमा सवार भई आइरहेको थियो ।

पक्राउ परेका धमलासँग रामा एक्सप्रेस खबरको प्रेस कार्ड पनि छ ।

प्रहरीले उनीहरुको साथबाट नाइट्रोभेट–१० लेखिएको २५ ट्याब्लेट, स्पास्मो प्रोक्सभोन प्लस लेखेको ८ क्याप्सुल, डाइलेक्स डिसी जस्तो देखिने तरल पदार्थ केमप्टी म्याङ्गो पन्च लेखिएको ६०० एमएलको बोतल लागुऔषध र अन्य कागजातहरु बरामद गरेको छ ।

अवैध लागूऔषध, मोटरसाईकल, मोबाईल, एटीएम कार्ड, आई.डी. कार्ड, नागरीकता, राहदानी, ड्राईभिङ लाईसेन्स र नगद सहित फेला पारी रितपुर्वक बरामद उनीहरुलाई नियन्त्रणमा लिई जिल्ला अदालतबाट लागूऔषध मुद्दामा ७ दिनको म्याद लिई अनुसन्धान भइरहेको जिल्ला प्रहरी कार्यालय सिरहाका प्रवक्ता तथा डिएसपी सुवास बुढाथोकीले जानकारी गराए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0