NSW News

२० फाल्गुन २०८०, आईतवार
ENGLISH

पृथ्वी शाह नक्कली नोटदेखि १४ करोडसम्म…

पृथ्वी शाह नक्कली नोटदेखि १४ करोडसम्म…

काठमाडौं । ठिक पाँच वर्षअघि सुरक्षा निकाय निर्वाचनमा केन्द्रित थियो । ३१ वैशाख २०७४ मा पहिलो चरणको स्थानीय तह निर्वाचन भएको थियो । सुरक्षा निकाय निर्वाचनमा केन्द्रित भएको मौका छोपेर एक समूह भने भारु तस्करीमा सक्रिय थियो ।
प्रहरीको केन्द्रीय अनुसन्धान ब्यूरो (सिआइबी)ले त्यतिबेला २ करोड १४ लाख भारुसहित त्यस्तो गिरोहलाई पक्राउ गरेको थियो । पक्राउ परेकामध्ये एक थिए अछामका पृथ्वीबहादुर शाह । उनै शाह यतिबेला कालोधनका कारण चर्चामा छन् । उनकै शंकास्पद पैसा छुटाउन नमान्दा यतिबेला गभर्नर महाप्रसाद अधिकारी निलम्बनमा परेका छन् भने, सरकारले चर्काे आलोचना खेपिरहेको छ ।
पाँच वर्षअघि काठमाडौं महानगरपालिका ८ वडाको विनायक नगर कुमारीगालमा रहेको कमला भण्डारीको डेरा र तिलगंगाको होटल अगाडि रोकेको गाडीमा सिआइबीले अवैध भारु बरामद गरेको थियो ।
शाहसहित त्यतिबेला कमला भण्डारी, मोरङका दिलिपकुमार लाल, मेघबहादुर थापा, सानुराजा रंजित र राजकुमार गिरी, अङ्कुर अग्रवाल, दिनेश अग्रवाल र अनिल कुमार पन्साली, सुरेन्द्र कुमार संघाई, नवलपरासीका संजयकुमार चौधरी, कास्कीका नवराज गुरुङ, मजेन लामा, अमिरुद्दीन र पूर्ण बासी गुप्ता पक्राउ परेका थिए । उनीहरुविरुद्ध राजश्व अनुसन्धान विभागले थप छानबिन गरी मुद्दा चलाएको थियो ।
नेपालमा अवैध कारोबारवापत स्रोत नखुलेको भारु भारतमा लगेर साट्न खोज्दा उनीहरु पक्राउ परेका थिए । यसले शाह पहिलेदेखि नै कालोधनको धन्दामा संलग्न रहेको प्रष्ट हुन्छ । हाल राष्ट्र बैंकले रोक्का गरेको उनको १४ करोडको पनि स्रोत खुल्न सकेको छैन । उनले टिकट काटेको तथा रेमिटेन्सको पैसा भएको दाबी गरेका छन् । स्रोतका अनुसार सो रकम हुन्डी तथा आर्थिक अपराधसँग जोडिएको देखिएको छ । सोही सूचनाका आधारमा सिआइबीदेखि सम्पत्ति शुद्धीकरण अनुसनधान विभागले समेत छानबिन गरेको थियो । सम्पत्ति शुद्धीकरण अनुसन्धान विभागमा उनले सेटिङ मिलाएपनि राष्ट्र बैैंकमा सेटिङ मिलाउन नसक्दा उनको कालोधनको पर्दाफास भएको छ । विगतमा नक्कली भारु कारोबारमा पृथ्वी शाहको सम्लग्नता र अहिले राष्ट्र बैंकले रोकेको १४ करोडको काण्ड विश्लेषण गर्दा उक्त रकम कालोधन हो भन्ने पुष्टि हुन्छ ।
शाहजस्तै नेपालमा सयौं व्यक्तिहरू कालोधनलाई रेमिटेन्सको रुपमा शुद्धीकरण गर्ने धन्दामा रहेको स्रोत बताउँछ । नेपालबाट अवैध धन हुन्डीमार्फत विदेश पठाउने तथा विदेशबाट रेमिटेन्स आएको भनेर त्यसलाई चोख्याउने गरिएको छ । यसमा केही रेमिटेन्स कम्पनीहरू नै संलग्न छन् ।
साथै केही प्रभावशाली व्यवसायीहरु समेत यसमा संलग्न रहेको स्रोत बताउँछ । खासगरी राजनीतिक नेतृत्वसँग निकट व्यापारीहरू यस्तो धन्दामा संलग्न छन् । उनीहरूले नेताहरूको कालोधनलाई पनि हुन्डीमार्फत विदेश पठाई रेमिट्यान्स तथा बैदेशिक लगानीका रुपमा नेपाल भित्र्याएर शुद्धीकरण गर्दै आएका छन् । सोहीकारण अफसोर कम्पनीहरू विभिन्न देशमा खोलेर नेपालमा वैदेशिक लगानी भित्र्याउने प्रवृत्ति बढेको छ । सम्पत्ति शुद्धिकरण अनुसन्धान विभागले समेत यसमा ध्यान दिन नसक्दा अनौपचारिक कारोबारले देशको अर्थतन्त्रलाई ध्वस्त बनाउने जोखिम बढ्दै गएको छ ।दृष्टिन्यूज

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0