NSW News

३ श्रावण २०८१, बिहीबार
ENGLISH

बारा–२ मा रमेश खरेलको उम्मेदवारी दर्ता

बारा–२ मा रमेश खरेलको उम्मेदवारी दर्ता

बारा ।
बाराको प्रतिनिधि सभा क्षेत्र नं. २ को प्रतिनिधि सभा सदस्यका लागि रमेश खरेलले उम्मेदवारी दर्ता गराएका छन्।

सोमबार दिउँसो तीन बजेपछि मुख्य निर्वाचन अधिकृतको कार्यालय पुगेर खरेलले राष्ट्रिय स्वतन्त्र पार्टीको तर्फबाट उम्मेदवारी दर्ता गराएका हुन् ।

मुख्य निर्वाचन अधिकृत मुकेश उपाध्यायका अनुसार दिउँसो तीन बजेपछि खरेलको उम्मेदवारी दर्ता भएको हो।

उपनिर्वाचनका लागि जनता समाजवादी पार्टीका अध्यक्ष उपेन्द्र यादवले मनोनयन दर्ता गराइसकेका छन्। त्यस्तै एमालेका पुरूषोत्तम पौडेल, जनमत पार्टीका शिवचन्द्र कुशवाहा, नागरिक उन्मुक्तिका कमरूल्लाह अन्सारी, आम जनता पार्टीका अरूण ज्ञवालीले उम्मेदवारी दर्ता गराएका छन्।

११ जनाभन्दा बढीले स्वतन्त्र उम्मेदवारी दिएका मुख्य निर्वाचन अधिकृत उपाध्यायले जानकारी दिए।

मंसिर ४ गतेको निर्वाचनमा जसपाबाट विजयी भएका रामसहायप्रसाद यादव उपराष्ट्रपति बनेपछि बारा–२ मा उपनिर्वाचन हुन लागेको हो।

अघिल्लो पटक रामसहायप्रसाद यादवसँग साढे तीन सयभन्दा कम मतले पराजित भएका शिवचन्द्र कुशवाहा पुनः उम्मेदवार बनेका छन्।

सप्तरी–२ बाट चुनाव हारेका उपेन्द्र यादव बाराबाट चुनाव जितेर संसद छिर्ने दाउमा छन्। उनलाई कांग्रेस, माओवादी र लोसपाले समर्थन गरेको छ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0