NSW News

५ असार २०८१, मंगलवार
ENGLISH

व्यवस्थापकीय कमजोरीका कारण निगमलाई घाटा यात्रुलाई सास्ती निगमको जहाजले बेंग्लोर जाने क्याप्टेन नै पाएन

व्यवस्थापकीय कमजोरीका कारण निगमलाई घाटा यात्रुलाई सास्ती निगमको जहाजले बेंग्लोर जाने क्याप्टेन नै पाएन

काठमाडौँ — त्रिभुवन अन्तर्राष्ट्रिय विमानस्थलबाट भारतको बेंग्लोरका लागि उडान भर्न लागेको नेपाल वायु सेवा निगमको विमान चालकको अभाव देखाउँदै उडान रद्द गरिएको छ ।
करिब १ सय ३९ जना यात्रुसहित बिहीबार दिउँसो १ बजेर ४५ मिनेटमा उड्नुपर्ने जहाज क्याप्टेन उपलब्ध नहुने भएपछि रद्द गरिएको हो । तर अन्तिम समयमा यात्रुलाई समेत पूर्व जानकारी नदिई उडान रद्द भएको हो । तर ज्वारचनले भने अदालतमा पेसी रहेकोले आफूले उडान हिजो नै रद्द गरेको बताए ।
बेंग्लोर जान लागेका एक यात्रुले अहिलेसम्म आफूलाई उडान रद्द भएको बारे कुनै जानकारी नदिएको बताए । विदेशबाट मंगलबार काठमाडौं आएको र घरायसी कामका लागि परिवारसहित बेंग्लोर जान लागेको र उडान रद्द भएपछि अन्योलमा परेको उनले बताए ।
अपरेसनल कारण देखाउँदै बेंग्लोरको उडान रद्द गरेपछि उक्त रुटका यात्रुहरुलाई रिरुट गरी निगमले आफ्नो दिल्लीको नियमित दुई उडानबाट दिल्ली हुँदै बेंग्लोर पठाएको छ । त्यसअघि बिहानै अर्जेन्ट भएका यात्रुलाई भिस्तारा एयरमार्फत दिल्ली हुँदै बेंग्लोर पठाएको थियो । अर्जेन्ट नभएका यात्रुहरुलाई भने शनिबारको नियमित बेंग्लोर उडानमा राखिएको निगमको कमर्सियल विभागले जनाएको छ । यस्तै उताबाट आउनेलाई पनि रिरुट गरी दिल्ली हुँदै काठमाडौं ल्याइएको छ । त्यसका लागि निगमले दिल्लीको नियमित उडानमा दुवैपटक वाइडबडी पठाएको थियो । यसबाट निगमलाई कति घाटा भयो भन्ने बारे यकिन भने नभइसकेको निगमका एक निर्देशकले बताए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0